Lo:dí
© Karsang
karsang poem lodi
Ma:nyíng gakpi légangé
De:tam na:néké mongkuné pokangém
Gurmíg gursígla Sibobí yilé arígdo amongém mo:nudung.
Mé:bomnam agerém mé:yoksula
Gurjíg gurjígdo ma:nyingé ma:yardung.
"Pinkang apin bombila Parbotibí gímang, Parbotibí gímang..."
Létíg ariné podo:bí lutadém lubidung.
Menkuragsula aki:bok dolpiyé singabdung.
Do:mír karédo bíkérla du:né
do:nyiké miggírla ka:namki
Sibobí mé:latsudakku.
Todírla du:né Parbotiké agamné migmodém
amigdo bérmi:la bí okumpé gíladdaku
Longé késudém dumpa:pé mola
Sibobí kédrasudag
Ansí:né pati:do,
Pírpíraila yabné méyablok ansí:né ésardo.
Míkkí lenné do:mug ésar ka:pko bomna
Parbotibí lennínsul du:dag
Bangkokdo barsa:la jeged elaiyémpé béladné
tabídok amírdo lésutsula rítyi:pé émna.
Do:mug ka:pdok borígém torígsudag Sibobí
Gones Kartikmé otsur pirbige:la
Sibobí mo:míloi do:nyi kétíddag
Sibobí gílendag
Parbotiké bérné "F" anyi:mé ríksukapé
0 Comments